मनाशी असलेली गल्लत....!

मनाशी असलेली गल्लत कधी कळलीच नाही
ती स्वतःशी स्वतःला कधी भावलीच नाही.....!

एक पाऊल पुढे तर एक पाऊल मागे अशा वाटेपाशी कधी थांबलीच नाही
तसं सांगायचंच झालं तर
या गणिती खेळात ती पुढे कधी सरकलीच नाही
मनाशी असलेली गल्लत कधी कळलीच नाही.......!

ओल्या पापण्यांशी कधी बिलगलीच नाही
हाताची ओंजळ करून कधी स्वतःला आवरलीच नाही
मनाशी असलेली गल्लत कधी कळलीच नाही.....!

तिच्यातली ती कळलीच नाही कोणास कधी
वाट शोधता शोधता जपते सा-यांना स्वतःच्या आधी
मनाशी असलेली गल्लत तिला कधी कळलीच नाही......!
अंतरंगी अमू.

शून्य....000000000

शून्य000000
शून्याकडून आलो अन शून्याकडेच फिरकलो
भावनांच्या वेटोळ्यात स्वतःच अडकलो....!

शून्याकडून आलो अन शून्याकडेच फिरकलो
मायेच्या गाभाऱ्यात स्वतःच बावरलो....!

शून्याकडून आलो अन शून्याकडेच फिरकलो
नात्यांची गुंतागुंत जपता जपता स्वतः च गुंतलो....!

शून्याकडून आलो अन शून्याकडेच फिरकलो
मैत्रीच्या पसा-यात स्वतः च पसरलो....!

अंतरंगी अमू